Безгә язалар рубрикасы буенча яңалыклар

• 15 октябрь 2019

  Бөтен яңалык шунда

  Мин район газетасына элек-электән һәрдаим язылып барам. Бөтен яңалык шунда бит. Олы яшьтә булгач бик чыгып йөри алмыйм, ә район хәбәрләрен, Чирмешән авыллары тормышын газетадан күзәтеп торам.

  
• 10 октябрь 2019

  Чирмешән мәдәният йортында өлкәннәрне җырлап та, биеп тә хөрмәтләделәр

  Өлкәннәр көне уңаеннан район мәдәният йортында оештырылган бәйрәм кичәсе анда катнашкан һәркем күңелендә матур кичерешләр калдыргандыр дип уйлыйм.

  
• 09 октябрь 2019

  Түбән Кәминкә ветераннарына күчтәнәчкә бавырсак та алып килгәннәр

  Бүген без якты, матур бинага, авыл мәдәният йортына килдек. Өлкәннәр көне уңаеннан чакырылган абый-апалар, әби-бабайлар – барысы да авылда төрле тармакларда эшләп лаеклы ялга чыккан хөрмәтле кешеләр.

  
• 04 сентябрь 2019

  Югары Кармалкада буа кирәк

  Күптән түгел район газетасыннан Югары Чегодай авылындагы буаны капиталь ремонтлаулары хакында укыдым. Хәзер янгын сүндерү машиналары су алу өчен аңа якынрак килә ала, буада казлар һәм үрдәкләр рәхәтләнә икән. Кыскасы, халыкка да, йорт кошларына да шәп. Югарычегодайлылардан хәтта көнләшеп тә куйдык.

  
• 27 август 2019

  Сыйныфташлар Иске Кадида очрашты

  Без класста 33 егет һәм кыз укыдык, кызганыч, 17се инде исән түгел. Гомер тиз үтә, сафлар сирәгәя шул. Шуңа күрә очрашулар гел тансык.

  
• 22 август 2019

  Юк авылда - зур бәйрәм

  Инде зираты гына калган Саклыкта авыл тарихы турында "Тамырларым синдә, Саклыгым" китабының нәшер ителүе уңаеннан якташлар очрашуы булды. Безнең өчен бу - китап бәйрәме генә түгел, ата-бабаларыбызның нигезенә аяк басу - үзе үк зур бәйрәм.

  
• 21 август 2019

  Безгә нинди депутат кирәк?

  Быелның 8 нче сентябрендә үтәсе сайлаулар Татарстан Дәүләт Советына яңа депутатлар корпусын туплаячак. Республикада  сәясәт, икътисад, социаль  өлкәдәге уңышлар шушы кешеләр чыгарган яисә хуплаган карарларга да бәйле,  алар һәр кешенең  тормышына тәэсир итми калмый.

  
• 01 август 2019

  Чирмешәнлеләр күптән санлы телевидение карый

  Соңгы вакытта республикада аналог телевидениесен туктатып, телевизион тапшыруларны санлы режимда гына күрсәтә башлаячаклары турында еш   сөйлиләр.

  
• 21 июль 2019

  Чирмешәндә дә санлы телевидениегә күнегәләр

  Көзен Татарстанда да телевизион тапшырулар санлы режимда гына күрсәтә башлаячак, аналог телевидениясе булмаячак.

  
• 11 июль 2019

  Чирмешәндә гаилә, мәхәббәт һәм тугрылык көнен ромашка чәчәкләре бизәде

  “Рус милли-мәдәни берләшмәсе“нең җирле бүлекчәсе инициативасы белән Чирмешәндә зур бәйрәм – Гаилә, мәхәббәт һәм тугрылык көне үткәрелде. Балалар һәм яшүсмерләр спорт мәктәбе каршындагы мәйданчыкка төрле яшьләрдәге дистәләрчә кеше җыелды.

  
• 02 июль 2019

  Бабам Польшада җирләнгән

  Минем 1901 елда туган бабам Ибраһим Галим улы Галимов 1942 елда үз теләге белән сугышка китә. Югыйсә 1939-1940 еллардагы фин кампаниясендә катнашучы буларак броне дә булган. Аны өендә хатыны һәм дүрт баласы – кечесе әле 2 яшьлек кенә – кала.

  
• 01 июль 2019

  Бер очрашу - бер гомер

  20 ел элек чамасы Әмир авылының 200 еллыгын зурлап үткәрделәр. Юбилей уңаеннан авылда чишмәләрне төзәкләндерделәр, урамнар юлына асфальт түшәделәр. Бәйрәмгә бик күп халык җыелды, читтә, еракта яшәүче авылдашларыбыз да кайтты.

  
• 22 июнь 2019

  Кызыл Ярда шундый әби бар!

  1941 елның 22 июне… Кояшлы ял көне була ул. Кинәт аяз көнне яшен суккандай, коточкыч аянычлы хәбәр килеп төшә: СУГЫШ! Бу көнне кешеләрнең барлык уй-хыялларын чәлпәрәмә китергән сугыш башлана.

  
• 14 июнь 2019

  Чирмешән лицее балалары автобус көткәндә дә китаптан аерылмаганнар

  15 нче май көнне, безнең лицеебыздан 30 кеше (28 укучы һәм ике укытучы) Казанда, УНИКС концертлар залында уздырылган VII Дөньякүләм “Әдәби марафон” проектының финал тантанасында булып, дипломнар белән бүләкләнеп кайттык. Ә гомумән, Чирмешән районыннан 58 кеше финалга узган һәм без барлык катнашучылар арасында сан ягыннан бишенче урында идек. Анда арасында Башкортстаннан, Марий-Элдан, Омск һәм Пермь өлкәләреннән, Санкт-Петербург, Ижевск, Сургут, Яңа Уренгой шәһәрләреннән, хәтта Австралиядән дә татарча китап укырга яратучылар бар иде.

  
• 07 июнь 2019

  “Алексеевск чаң чыңлавы”нда булдык

  Июнь аеның беренче атнасында Чирмешән храмнары прихожаннары, рус милли-мәдәни берләшмәсе әгъзалары һәм районыбыз казаклары Алексеевск поселогының изге Алексий храмы янында үткән “Алексеевск чаң чыңлавы – 2019” XVII чаң чыңнары фестивалендә катнаштылар.