Безгә язалар рубрикасы буенча яңалыклар

• 22 апрель 2019

  Түбән Кәминкәдә бер чара да Гарифуллиннардан башка узмый

  Сәхнәдә – Гарифуллиннар! Түбән Кәминкә мәдният йортында узган чараларда, район мәдәният йорты сәхнәсендә дә мондый белдерү-өндәү еш яңгырый. Бу авылдан Гарифуллиннар гаиләсе шундый музыкаль гаилә.

  
• 13 апрель 2019

  Кидар булдым дигәндә...

  Элек халкыбызда балага исем кушканда бик игътибарлы булганнар, бу эшкә җаваплы караганнар. Исем матур, телгә ятышлы, мәгънәгә ия булырга тиеш. Кыямәт көнендә һәр кеше үзенең исеме һәм әтисенең исеме белән чакырылыр, диелгән. Исем эзләүне гадәттә олы кешеләргә, әби-бабайларга тапшырганнар. Әбиебез Фатыйма Ногман кызы дини кеше иде. Мин тугач та, туксан тугыз исеме арасыннан Аллаһ Тәгаләнең "Йомшаклык Иясе" сыйфатын күрсәтүче Рәфыйк исемен сайлый. Ләкин әбинең бертуган абыйсы, Ибени (Ибненәгыйм) бабай Кидар исемен тәкъдим итә. Абыйга каршы килеп булмый инде, шулай килешәләр.

  
• 09 апрель 2019

  Чирмешән районы китапханәләрендә "Сәламәт булыйк" программасы буенча да эшлиләр

  Алкоголь, наркотиклар һәм башка психоактив матдәләр куллану зыяны хакында еш сөйлиләр һәм язалар. Рәсми мәгълүматлар буенча, Россиядә наркотиклардан ел саен 8 меңләп кеше дөнья куя. Тагын шунысы аяныч - наркомания яшәрә бара. Мәктәп яшендәге балаларның бер өлеше алкоголь, сигарет, наркотиклар белән “экспериментлар ясауга” гаеп дип тә карамый, киресенчә, моны “текә” тормыш күрсәткече дип саный. Әлеге начар гадәтләр көчсез рухлыларга хас һәм үлемгә алып бара торган юл икәнлеген китапханәчеләр дә аңлатырга һәм инандырырга бурычлы.

  
• 04 апрель 2019

  Зөлхәбирә апа искә төшә

  Бу хәлләр ерак балачак елларында булды. Ике көн эчендә ике вакыйга минем хәтердә – җиде яшьлек бала күңелендә – мәңгегә уелып калды. Сөенеч һәм фаҗига.

  
• 27 март 2019

  Саклык янында тракторны су “йоткан”

  Саклык авылыннан Әлмәткә киткән якта инеш аша күпер (буа) бар иде. Язгы ташу аны ел саен ерып-җимереп алып китә, аннары яңадан буалап куялар, чөнки Әлмәт ягына илтүче бердәнбер туры юл шуннан үтә. Бу эш белән Ибени бабай шөгыльләнгәч, исеме дә "Ибени бабай буасы" дип аталды.

  
• 22 март 2019

  Чирмешәнлеләр санлы телевидение карый

  Без үткән ел ахырына кадәр гади антенна белән телевидениедә дүрт канал карадык. Яңа ел алдыннан балалар приставка алып кайтып урнаштырдылар, инде санлы режимда егерме канал бик чиста күрсәтә.

  
• 17 март 2019

  Исәнлек – беренче урында

  Соңгы елларда район басуларында көнбагыш мәйданнары нык күбәйде. Тизрәк өлгерсен өчен, аны пестицид сибеп эшкәртәләр. Бу эш самолет ярдәмендә башкарыла.

  
• 15 март 2019

  Түбән Кәминкәдә якташыбыз-шагыйрә белән очрашканнар

  Районыбыз талантлы кешеләргә бай. Араларында яңа гына каләм тибрәтә башлаганнары, инде шактый тәҗрибә туплаганнары да бар. Шундыйларның берсе, якташыбыз, күп китаплар авторы Галия Сафиуллина белән очрашу оештыру турында озау уйлап йөрдем. Һәм менә без – Түбән Кәминкә авылының китап укырга яратучы кешеләре үзебезнең шагыйрәбез, язучыбыз белән авыл китапханәсендә “Кереп барам гомер көзләремә” исемле чарада очраштык.

  
• 14 март 2019

  Чирмешәнлеләр санлы телевидениегә күчәргә әзерләнә

  Без дә бер телевизорны көз көне үк санлы режимга күчереп куйдык. Башта антенна сатып алып, телевизорга ялгап карадым, алай гына күрсәтмәде, аннан соң приставка куярга туры килде. Тоташтыруның  бер авырлыгы да юк. Хәзер егерме канал бик чиста күрсәтә.

  
• 13 март 2019

  Нурлатта чуваш әдәбияты һәм мәдәнияте турында сөйләштеләр

  Язның беренче көнендә Нурлат шәһәренә күрше: Аксубай Чирмешән, Чистай районнарының, Самара һәм Ульяновск өлкәләренең, Чувашия республикасының чуваш авылларыннан бик күп кунаклар килде. Монда, Халыклар дуслыгы  йортында иҗат интеллигенциясе белән очрашу узды, анда мин дә катнаштым.

  
• 06 март 2019

  Инсаф планшетлы да будлы

  Ватанны саклаучылар көне уңаеннан Түбән Кәминкә авыл мәдәният йортында  хәйрия концерты күрсәттеләр. Чарага килүчеләрдән җыелган акчалар һәм Бәркәтә мәктәбе укытучыларының матди ярдәме мөмкинлеге чикле Инсаф Ибраһимовка тапшырылды.

  
• 03 март 2019

  Буранны да җиңделәр

  Тирәбездә яхшы, ярдәмчел кешеләрнең күп булуына күптән түгел тагын бер кат инандым.

  
• 01 март 2019

  Керкәле әбиләре ялгыз түгел

  Хәзер авылларда пенсия яшендәге кешеләр күпчелекне тәшкил итә. Безнең сәламәтлек инде нык какшаган, шуңа медицина ярдәме гел кирәк.

  
• 23 февраль 2019

  Көләм, елыйм туган телемдә

  Туган телем, газиз туган телем, татар теле! Сине камил белүем белән мин нинди бәхетле. Рәхәтләнеп туган телемдә сөйлим, сөйләшәм, укыйм, язам, уйлыйм, елыйм, көләм...Нәкъ Тукай әйткәнчә, “дөньяда күп нәрсә белдем, син туган тел аркылы”. Мөмкинлекләрең чиксез, туган телем! Сине белүем мине башка телләрне хөрмәт итәргә өйрәтте, аларны өйрәнергә этәрде. Рус телен яхшы белүем, грамоталы язуым белән дә мин туган телемә бурычлы. Француз, немец телләрен өйрәнгәндә дә, мин сиңа таяндым. 

  
• 23 февраль 2019

  Әмир авылы халкы очучы авылдашлары өчен сөенә

  “ТНВ” каналындагы “Башваткыч” тапшыруы рекламасында, катнашучылар арасында таныш йөз күргәч, бу безнең “летчик” Рәисебез бит дип, тапшыруны көтеп алдым.