Туймәттә һәм Түбән Кәминкәдә үзсалым тулысынча җыелган

Районда 2018 ел өчен 2 миллион сумнан күбрәк, ягъни тиешленең 70 процентыннан күбрәк күләмдә үзсалым акчасы җыелган.

Туймәт һәм Түбән Кәминкә авыл җирлекләрендә бу мөһим эшне төгәлләделәр дә. Кармыш һәм Ульяновка буенча да күрсәткечләр яхшы. Шешминка, Мордва Афонькәсе җирлекләрендә җыелган акчалар күп түгел әле.

Районда быел үзсалым акчаларын 1 апрельга кадәр җыеп бетерү бурычы куела. Шулай итсәк, әлеге суммага, бер сумга дүрт сум нисбәтеннән, республика да акча бирәчәк, билгеләнгән күпчелек эшләрне җәйге вакытта башкарып өлгерә алачакбыз.

Автор фотосы