Безнең Чирмешән
  • Рус Тат
  • Мидхәт Хисамиев Туймәт ветераннарына бушлай бөртек өләште

    Аллаһының рәхмәте яусын, Әлмәттә яшәүче бу якташыбыз Рамазан гаете алдыннан Туймәттәге әбиләргә һәм бабайларга фитыр сәдакасын шулай ирештерде. Ындыр табагына ике КамАЗга ук төяп бодай һәм арпа бушаттылар. Әлеге бөртекнең ветераннарга - пенсионерларга кайтуы хакында хәбәр бик тиз таралган. -Мидхәт Хаернас улының көтелмәгән бүләген 127 кешегә өләштек. Бер кеше бер...

    Аллаһының рәхмәте яусын, Әлмәттә яшәүче бу якташыбыз Рамазан гаете алдыннан Туймәттәге әбиләргә һәм бабайларга фитыр сәдакасын шулай ирештерде.

    Ындыр табагына ике КамАЗга ук төяп бодай һәм арпа бушаттылар. Әлеге бөртекнең ветераннарга - пенсионерларга кайтуы хакында хәбәр бик тиз таралган.
    -Мидхәт Хаернас улының көтелмәгән бүләген 127 кешегә өләштек. Бер кеше бер капчык бодай, бер капчык арпа алды, бушлай,- ди Туймәт авыл җирлеге башлыгы Айдар Кәримов. Якташыбызга бик зур рәхмәт. Ул гел шулай булышып тора.
    Мидхәт Хисамиев һәр бәйрәм саен диярлек туган авылына, мәчеткә дә ярдәм итү җаен таба икән. Сабан туе чыгымнарын да ул күтәрешә. Туймәт тарихы турында китап чыгаруга да өлеш керткән. Зиратта өмә вакытында да ул һәм аның кешеләре булышкан.
    -Молодец, Мидхәткә рәхмәт кенә. Бөртек кемгә дә ярый, - ди озак еллар колхозда машина йөрткән пенсионер Наил абый Фәссахов.- Без, мәсәлән, биш баш сыер, атлар, бозаулар да асрыйбыз. 36 гектар пай җирләрен үзебезгә алдык, анда чәчү уздырдык. Малай, килен янында безгә дә эш табыла.

    Реклама

    Автор фотолары.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Комментарии (0)
    Осталось символов: