Чирмешәндә тагын бер светофор куйдылар

Район үзәгенең Дзержинский урамыннан күпер аша Амур ягына чыга торган юл чатында өч төстә янучы светофор урнаштырдылар. Бер-ике атна эчендә аны эшләтеп тә җибәрәчәкләр.

-Моннан машиналар күп йөри, вак-төяк аварияләр дә еш була, шунлыктан светофор бик кирәк иде. Аны монтажлап куйдылар, хәзер бераз "кәгазь эше" генә калды, тиздән җиһазны кабызачакбыз, - ди районның ЮХИДИ бүлекчәсе начальнигы Самат Хәйруллин.

Яңа светофор 900 мең сумнарга төшкән. Мондый светофор Чирмешәндә икенчесе.