"Безнең Чирмешән" газетасы редакциясе чираттагы шахмат турниры үткәрә

"Безнең Чирмешән" газетасы редакциясе быел да шахмат турниры үткәрәчәк. Ул газета чыга башлауга 85 ел тулуга багышлана.

Бәйгене 4нче мартка билгеләдек. Җиңүчеләр 6 төркемдә: ир-атлар һәм хатын-кызлар, егетләр һәм яшүсмер кызлар, малайлар һәм кызлар

арасында ачыкланачак. Призлы урын яулаучыларны бүләкләр көтә. Аларны алуда күптәнге дустыбыз, якташыбыз - Кармышта туган, Түбән Камада яшәүче һәм эшләүче Фәгыйль Бәкер улы Гатиятов булыша.

Шахматчыларны шахмат такталары белән район газетасы редакциясенә чакырабыз. Турнир сәгать 9да башлана.