Безнең Чирмешән
  • Рус Тат
  • Чирмешәндә чүп контейнерлары булмаячак

    Узган елның көзеннән бирле район үзәгенең көнчыгыш өлешендә каты көнкүреш калдыкларын капчыкларда килеш җыялар. -Бу эшне инде дүрт ай дәвамында башкарабыз,- ди "Чирмешән районы коммуналь челтәрләре" җәмгыяте директоры Рәфыйк Хәйдаров. -Халык моңа күнде дисәк тә була. Дәгъва белдерүчеләр юк. Коммуналь хуҗалык транспорты атнага ике тапкыр: дүшәмбе һәм пәнҗешәмбе көннәрне иртәнге...

    Узган елның көзеннән бирле район үзәгенең көнчыгыш өлешендә каты көнкүреш калдыкларын капчыкларда килеш җыялар.

    -Бу эшне инде дүрт ай дәвамында башкарабыз,- ди "Чирмешән районы коммуналь челтәрләре" җәмгыяте директоры Рәфыйк Хәйдаров. -Халык моңа күнде дисәк тә була. Дәгъва белдерүчеләр юк.
    Коммуналь хуҗалык транспорты атнага ике тапкыр: дүшәмбе һәм пәнҗешәмбе көннәрне иртәнге сәгатьләрдә урамнарны әйләнеп, капчыкларны җыеп чыга.
    Чәршәмбе һәм шимбә көннәрендә транспорт Лашманга бара. Монда инде бер елдан артык чүп-чарны шундый ысул белән чыгаралар.
    -Минемчә, бу яңалык үзен аклады, - ди Рәфыйк Габдрахман улы. -Урамнар чистарып калды. Элек бит контейнердагы чүп-чар таралып, исләнеп ята иде. Контейнерлар урнаштырырга урын табу үзе бер проблема булды. Хәзер андый проблема да юк. Дөрес, халыкның коммуналь хезмәтләр өчен бурычы зур. Шул исәптән чүп-чарны чыгару өчен дә түләргә теләмәүчеләр бар. Ә бит бу хезмәт өчен айга нибары 19 сум 20 тиен генә алына.
    Киләчәктә Чирмешәннең әлегә контейнерлар куелган башка урамнарында да каты көнкүреш калдыкларын капчыкларда җыюны оештырырга планлаштыралар.
    Автор фотолары.

    Нравится
    Поделиться:
    Комментарии (0)
    Осталось символов: