Яңа Элмәледә Порфирий Афанасьевның шигырьләрен укыячаклар

Яңа Элмәле авылында "Афанасьев укулары" исемле республика фәнни-гамәли конференция үтәргә тиеш.

Әлеге чара якташыбыз - Чувашия республикасының атказанган сәнгать эшлеклесе, халык шагыйре, М.Сеспель исемендәге дәүләт премиясе лауреаты, дөнья халыкларының халыкара академиясе академигы Порфирий Афанасьевка туган авылында чуваш телен һәм мәдәниятын саклау һәм үстерү максатыннан оештырыла.

Порфирий Васильевичка узган елны 75 яшь тулды. Авырып тору сәбәпле, ул соңгы арада туган ягына кайта алмады. Якташлары танылган язучыны онытмыйлар. Былтыр районның чуваш мәктәпләре катнашында "Афанасьев укулары" булды, быел исә әлеге чара республика дәрәҗәсәндә узачак. Бүген Порфирий Афанасьев Чабаксарда яши, һаман да күп эшли, иҗат итә.

Автор фотосы