Көн темасы
Чирмешән балалары олыларны юлда сак йөрергә өндәде
Район үзәге урамнарында балалар автомашиналарны туктатып, аларны йөртүче олыларны юлларда сак йөрергә өндәде. Юлда йөрү кагыйдәләрен искәртүче язу - "памятка"ларны укучылар җәяүлеләргә дә тараткан. Дөрес, аларга бу гамәлне башкарырга ЮХИДИ инспекторлары булышты. Ноябрьнең өченче якшәмбесендә үткәрелүче Халыкара юл һәлакәтләре корбаннарын искә алу көне кысаларында Чирмешән лицее һәм 1 нче мәктәп...
Район үзәге урамнарында балалар автомашиналарны туктатып, аларны йөртүче олыларны юлларда сак йөрергә өндәде. Юлда йөрү кагыйдәләрен искәртүче язу - "памятка"ларны укучылар җәяүлеләргә дә тараткан.
Дөрес, аларга бу гамәлне башкарырга ЮХИДИ инспекторлары булышты. Ноябрьнең өченче якшәмбесендә үткәрелүче Халыкара юл һәлакәтләре корбаннарын искә алу көне кысаларында Чирмешән лицее һәм 1 нче мәктәп укучылары күккә шарлар да очырган. Бу да, үз чиратында, кагыйдәләргә, юлда йөрүгә игътибарны җәлеп итүнең бер чарасы.
Быел район юлларындагы һәлакәтләрдә 8 кеше үлде. Җәен Кара Чишмә янындагы олы фаҗига аркасында берьюлы өч ир-ат якташыбызның гомере өзелеп, якыннары хәсрәтле булды. Тагын дүрт авариядә, безнең район юлларында үлемгә дучар булган биш кешенең барысы да күршеләребез - Нурлат районыныкылар.
Следите за самым важным и интересным в Telegram-каналеТатмедиа
Нет комментариев