Безнең Чирмешән
  • Рус Тат
  • Югары Чегодай кызы Илүзәнең электрон Коръәне бар

    Балалар арасында "Исламны иң яхшы белүче" бәйгесенең райондагы җиңүчеләре - барысы да кызлар. Иң-иңнәргә дип әзерләнгән бүләкнең берсен - кармакны да алар алган. -Мондый ярышлар республика күләмендә һәр районда диярлек узды. Балалар алтмышар сораулы биремнәрне, биш вариантка бүленеп, язма рәвештә эшләделәр. Аның җиңүчеләре җәен Болгар шәһәрендә узачак дини олимпиадада катнашачак,-...

    Балалар арасында "Исламны иң яхшы белүче" бәйгесенең райондагы җиңүчеләре - барысы да кызлар. Иң-иңнәргә дип әзерләнгән бүләкнең берсен - кармакны да алар алган.

    -Мондый ярышлар республика күләмендә һәр районда диярлек узды. Балалар алтмышар сораулы биремнәрне, биш вариантка бүленеп, язма рәвештә эшләделәр. Аның җиңүчеләре җәен Болгар шәһәрендә узачак дини олимпиадада катнашачак,- ди Чирмешән мәчете имамы Хәбир Ханов.
    Бәйгечеләр арасында Ислам хакында иң күп белүче дип Илүзә Мөхәммәтшина танылган. Хәзер Югары Чегодай авылы кызының республиканың "Закәт" фонды биргән электрон Коръәне дә бар. Шәп бүләк: изге китап сурәләре 15 телгә, шул исәптән татарчага да тәрҗемә ителгән, ди.
    Ә икенче урынга чыккан Дилә Галәүтдиновага исә ( Түбән Кәминкә) кыйммәтле бадминтон уены җыелмасы бирелгән. Оештыручылар җиңүчеләр арасында малайлар да булыр дип, бүләккә яхшы кармак та җибәргәннәр, тик аңа да кыз бала лаек булган. Балыкчылар коралына Бәркәтәдән Алисә Әхмәтҗанова ия.
    Район мөхтәсибәте, Чирмешән мәчете җиңүчеләрне һәм бәйгедә катнашкан барлык 43 баланы үз бүләкләре, тәм-томлы табын белән сөендергән.

    Автор фотолары.

    Нравится
    Поделиться:
    Комментарии (0)
    Осталось символов: