Туган авылын онытмый

Иске Үтәмеш урта мәктәбе кабинетларына яңа интерактив такталар урнаштыралар.

Аларны, спорт җиһазларын һәм мобиль компьютер классны мәктәпнең элеккеге укучысы Ренат Харисов акчасына сатып алганнар.

"ТНТ - Групп" җәмгыяте генераль директоры Ренат Гата улы туган авылындагы мәктәпкә гел ярдәм итеп тора.

Республика программасы нигезендә быел Иске Үтәмеш мәктәбендә капиталь ремонт ясалды. Ренат Харисов бу эштән дә читтә калмаган, акчалата булышкан.

-Без Ренат Гатиновичка бик рәхмәтле, ул безне онытмый, Һәрдаим булышып тора, - ди мәктәп директоры Светлана Әхтәмова.

Гөлсирә Шәрифуллина фотосы.