Быел Чирмешән районында дүрт гаиләгә игезәк сабыйлар алып кайтканнар

Шунысы кызык, игезәкләр я икесе дә малай, я икесе дә кыз. Түбән Кәминкәдән Илшат һәм Татьяна Гыйрфановлар улларына Ленар һәм Динар дип исем биргәннәр. Чирмешәннән Вячеслав һәм Ольга Прокопьевларның кызлары - Карина һәм Дарья, Владимир һәм Ирина Гришаниннарның уллары - Мирослав һәм Максим, ә Светлана Хөснетдинованың игезәкләре - Динара һәм Диләрә. 2016 елда районда бер игезәк кенә туган булган.

Агымдагы елда исә районда 119 сабый дөньяга килгән. Үткән елның бу чорында, район ЗАГС бүлегендә әйтүләренчә, туучылар саны 26га күбрәк булган.

Кадыйр Гомәров фотосы

Безнең сайтта укыгыз:

Назгөл Дибаеваның Илфак Шиһаповка тапшырылмаган хатлары: «Китмә, аңлат миңа...»