Әмир зиратында өмә булган

Узган атнада Әмир зиратында оештырылган өмәдә дистәләгән кеше катнашкан.

Күмәк көч белән бу юлы өрәңге агачлары басып киткән почмакны тәртипкә китергәннәр, агачларны төптән кискәннәр. Киләчәктә аларның төпләрен - тамырларын казып алмакчылар.

Чирмешәннең мөселман зираты Бөек Җиңү бәйрәме алдыннан уздырган өмәдән соң нык чистарып калган. Билгеләнгән көнне бирегә үзләренең якыннары җирләнгән күпчелек чирмешәнле килеп кабер өсләрен кышкы чүп-чардан арындырган. Ә моңа кадәр Чирмешән мәчете мәхәлләсе картлары зират эчен һәм тышкы ягын тырмалап чистарткан булганнар.

Кабер өсләренең кайберләренә кул тимәгән әле.