Чирмешән районында 2018 елга каралган үзсалым акчаларының 83 проценты җыелган да

Түбән Кәминкә, Туймәт, Яңа Кади, Ульяновка, Күтәмә, Югары Кәминкә җирлекләре 2018 елга каралган үзсалым акчаларын тулысынча җыйганнар.

Бу атна башына район буенча да байтак - 2 миллион 388 мең 800 сум үзсалым акчасы җыелган, ягъни тиешленең 83 проценты кадәр.

Шешминка, Түбән Кармалка һәм башка кайбер җирлекләр буенча әлеге эшне тизләтәсе бар. Район җитәкчелеге үзсалым акчаларын елның беренче кварталында ук җыю бурычын куйган иде. Аннары бу суммага республика да акча өсти, димәк планлаган, референдумда хупланган эшләрне уңайлы вакытта башкарып өлгерергә мөмкинлек туар, алар көзге якка калмас.

Кадыйр Гомәров фотосы