Урамда бушлай таратыла торган сим-карталар куркыныч тудырырга мөмкин

Килешү төземи генә урамда таратыла торган сим-карталар, гадәттә, башка кешегә рәсмиләштерелгән була. Мондый карталардан файдалану мошенникларның ниндидер сервисларда кулланучының аккаунтларына күзәтү урнаштыруына китерергә мөмкин. Бу хакта Angara ИБ-компанияләр төркеменең технологияләр һәм үсеш буенча генераль директор урынбасары Дмитрий Пудов сүзләренә сылтама белән «Прайм» агентлыгы белән хәбәр итте.

Белгеч фикеренчә, андый сим-карталарны куллану зур күңелсезлекләргә китерергә мөмкин. Симка алучы бернинди хокукларга да ия булмаячак.

«Мондый тәкъдимнәрдән баш тартуың һәм әлеге сим-карталардан файдаланмавың хәерлерәк. Сез әлеге сим-картаның үзегезнеке икәнлеген раслый алмаячаксыз», — ди ул.

Шулай ук мошенникларның картаны яңадан чыгартуы да ихтималы да бар. Бу аларга барлык шалтыратуларны һәм килгән СМСларны, хәбәрләр белән җибәрелә торган сервислардагы парольләр турындагы мәгълүматны да белә алачак, "Ватаным Татарстан" хәбәр итә.