Татарстанда иртәгә юеш кар явачак

Иртәгә, 11 мартта, болытлы, төнлә аязучан һава торышы күзәтелә. Юеш кар, яңгыр сибәләячәк. Бу хакта Татарстан Гидрометереология хезмәте хәбәр итә.

Төнлә һәм иртән аерым районнарда томан күзәтелә. Көньяк-көнчыгыштан, көньяктан талгын җил, көндез урыны белән көчле җил.

Төнлә минималь һава температурасы -3..+2 градус фаразлана. Көндез максималь һава температурасы 0..+5 градус булачак. Юлларда урыны белән бозлавык.

Фото: архив/Михаил Захаров

https://tatar-inform.tatar