Татарстан Covid-19 йоктыручылар үсеше иң түбән булган өч төбәк арасына керде

Татарстан Республикасы элеккечә коронавирус инфекциясе йоктыруның тәүлеклек үсеше иң аз булган төбәкләр арасында. Бу хакта коронавируска каршы көрәш буенча федераль оператив штаб хәбәр итә.

Рейтингта беренче урынны Чукотка автономияле округы алган. Узган тәүлектә анда бер генә яңа очрак та ачыкланмаган. Икенче урында — Чечня Республикасы, монда үсеш темпы 0,2 процент. Өченче урында Чувашия һәм Татарстан Республикалары — 0,5 процент.

«Бер тәүлектә үсеш темпы иң аз булган төбәкләр: 1. Чукотка автономияле округы — 0 процент. 2. Чечня Республикасы — 0,2 процент. 3. Чувашия Республикасы, Татарстан Республикасы 0,5 процент», — диделәр оператив штабта.  

"Татар-информ "