Карлыган яфрагы иммунитетны ныгыта
Кара карлыган яфрагында файдалы эфир майлары күп, ул ялкынсыну, микробларга каршы тору, антисептик үзлекләренә ия.
Кара карлыган яфрагын яз азагы-җәй башында җыеп өлгерергә кирәк. Файдалы матдәләр куак чәчәк аткан вакытта күбрәк туплана. Яфракларны иртән, чык кипкәч, әмма әле кояшта җылынып өлгергәнче җыярга тырышыгыз. Куакка зыян китермәгез, сабакны шәрә калдырмагыз. Бу аеруча яшь куакларга кагыла.
Карлыган яфрагын туңдырырга, киптерергә була. Туңдырыр алдыннан юып, таратып корытырга, аннары порцияләп пакетка салып, туңдыргычка куярга мөмкин. Яфракларны духовкада да киптерә аласыз. Моның өчен анда температура 100 градустан артмаска тиеш. Киптергән вакытта духовка ишеген япмагыз.
Кара карлыган яфрагы иммунитетны ныгыта, йөрәк-кан тамырлары системасы, йөрәк мускуллары эшчәнлеген, кан әйләнешен яхшырта, организмнан шлак, токсиннар, артык сыеклыкны чыгара, шешенүне булдырмый, икенче типтагы шикәр чиреннән саклый, дип яза “Саулык. Татар халык медицинасы”.
фото: https://pixabay.com/ru
Следите за самым важным и интересным в Telegram-каналеТатмедиа
Нет комментариев