Иске Котыштан Вадим Митякин иң күп макулатура җыючы

Иске Котыш мәктәбе укучылары кирәкмәс бер кәгазьне дә чүплеккә ташламыйлар. Алар хәзерләүчеләргә тапшыру өчен 700 килограмм макулатура әзерләп куйганнар.

Үткән ел искекотышлылар 3 тонна макулатура тапшырганнар. Аннан кергән акча мәктәпкә кирәк-ярак алырга тотылган.

-Укучылар арасында иң күп макулатура җыючыны билгеләдек. 107 килограмм кәгазь калдыгы китергән 7 класс укучысы Вадим Митякинга Мактау грамотасы һәм истәлек бүләге тапшырдык, - ди директор урынбасары Петр Учайкин.

Вадим бу уку елында аны тагын да күбрәк җыярга уйлый.

-Миңа макулатура җыярга әти-әни дә, күршеләр дә булыша, - ди уңган егет. - Хәтта черновикларны да аерым капчыкка җыеп барам.