“Серендеев Н.И.” хуҗалыгында уракка әзерләнәләр

Ивашкинодагы "Серендеев Н.И." крестьян-фермер хуҗалыгында уракта бер бөртек комбайнына уртача өлешенә 400 гектардан артык иген мәйданнары туры киләчәк. Хуҗалыкта 1300 гектардан уңыш суктырып аласы бар.

Александр Иванов, Алексей Антонов, Александр Еферовларның комбайнчы буларак урып-җыю эшләрендә беренче ел гына катнашулары түгел. Бу көннәрдә алар үз техникаларын уракка әзерләүне төгәлли дә.

-Безнең өч: "Палессе", "Енисей", "Нива" комбайныбыз бар, 9-10 еллыклар инде. Аларны ремонтлауның вак-төяк эшләре генә калды. Бөртек ташый торган машиналарыбыз "аякта", урак вакытында ягулык белән дә проблемаларыбыз булмаска тиеш, - ди КФХ җитәкчесе Николай Серендеев.