Бәйрәмнәр
Мондый бүләккә кем кызыкмас, "машинаның" номерына кадәр бар, имеш. Ачкычы тартмада, ди. Аның өчен отыш башлангач, тамаша залында тынлык урнаша. Лотерея тоткан куллар тирләп чыга, дулкынлаудан авыз кибә. Кемгә булыр гына бу затлы бүләк? Ниһаять, алып баручы отышлы номер иясен атый: бу көнне бәхет Азат Гарифуллинга елмая. Авыл халкы телендә "Жигули" дип йөртелүче, фаралар да ябыштырылган Т20-16А3 номерлы тазны, көчле алкышлап, аңа тапшыралар.
Югары Кәминкәдән Азат Гарифуллин “Жигули” откан
Авыл мәдәният йортында узган "Бал-маскарад"тан кайберәүләр лотереяга куян, әтәчкә хәтле отып кайтучылар булган. Ә менә супер-призга "Жигули" да куелганын ишеткәч, халык бөтенләй "Аһ" итә. Мондый бүләккә кем кызыкмас, "машинаның" номерына кадәр бар, имеш. Ачкычы тартмада, ди. Аның өчен отыш башлангач, тамаша залында тынлык урнаша. Лотерея тоткан куллар тирләп чыга, дулкынлаудан...
Авыл мәдәният йортында узган "Бал-маскарад"тан кайберәүләр лотереяга куян, әтәчкә хәтле отып кайтучылар булган. Ә менә супер-призга "Жигули" да куелганын ишеткәч, халык бөтенләй "Аһ" итә.
Мондый бүләккә кем кызыкмас, "машинаның" номерына кадәр бар, имеш. Ачкычы тартмада, ди. Аның өчен отыш башлангач, тамаша залында тынлык урнаша. Лотерея тоткан куллар тирләп чыга, дулкынлаудан авыз кибә. Кемгә булыр гына бу затлы бүләк? Ниһаять, алып баручы отышлы номер иясен атый: бу көнне бәхет Азат Гарифуллинга елмая. Авыл халкы телендә "Жигули" дип йөртелүче, фаралар да ябыштырылган Т20-16А3 номерлы тазны, көчле алкышлап, аңа тапшыралар.-Яңа ел кичәсен әнә шулай уен-көлке белән бик кызык итеп үткәрдек, - ди Югары Кәминкә авыл мәдәният йорты мөдире Лилия Хөснуллина. - Уеннар, җыр-биюләр арасында, авыл җирлегенең иң яшь баласына, иң олы авылдашка, яңа өйләнешкән парларга, армиядә хезмәт итүче өч егетнең әти-әниләренә "Илхан" җәмгыятеннән бүләкләр тапшырылды. Иганәчеләребезгә рәхмәт, лотерея уеннарына да бүләкләребез күп иде. Әле икенче көнне авылыбыз эшмәкәре Алсу Сәйфетдинова балалар өчен дә зур бәйрәм оештырды.
Автор фотосы.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев