Пассажир авария урынында үлгән

автор, 21 март 2014 - 04:14

1972

19 март көнне Яңа Чишмә районы территориясендә булган авариядә 51 яшьлек хатын-кызның гомере өзелгән. Юл-транспорт һәлакәте Казан-Оренбург трассасында иртәнге сәгатьтә була. "Лада" автомобиле белән идарә итүче - 1976 елгы Бөгелмә шәһәре кешесе каршы як полосага чыгып, К-700А тракторының артында урнашкан "пычакка" бәрелә. Ул көнне һава торышы да нык бозылган, кар...

19 март көнне Яңа Чишмә районы территориясендә булган авариядә 51 яшьлек хатын-кызның гомере өзелгән.

Юл-транспорт һәлакәте Казан-Оренбург трассасында иртәнге сәгатьтә була. "Лада" автомобиле белән идарә итүче - 1976 елгы Бөгелмә шәһәре кешесе каршы як полосага чыгып, К-700А тракторының артында урнашкан "пычакка" бәрелә. Ул көнне һава торышы да нык бозылган, кар яуган, буранлы, юллар бозланган иде. Нәтиҗәдә җиңел машинаның арткы урынында утырган пассажир - Галина Александрова алган җәрәхәтләрдән авария урынында ук һәлак була. Икенче пассажир һәм машина йөртүче төрле дәрәҗәдә имгәнүләр алалар. Аларны Яңа Чишмә районының үзәк больницасына озатканнар.