Юл хәрәкәте
Кышын машинаны тыңлату кыен
30 октябрьдә, тәүге кар яуган көнне, район үзәгендәге Дзержинский урамында ике машина бәрелешә. Йөртүчеләре исән - сау, ә менә машиналары яхшы ук җимерелгән. ЮХИДИ бүлекчәсендә әйтүләренчә, авариягә эләккән "Калина" машинасының көпчәкләре кышкыга алмаштырылмаган, икенче автомобильнең тәгәрмәчләреннән дә, җәй айларында шуларда йөргәнгә, "шипыларыннан" күптән инде "җилләр очкан". Нәтиҗәдә машиналар бозлы юлда...
30 октябрьдә, тәүге кар яуган көнне, район үзәгендәге Дзержинский урамында ике машина бәрелешә. Йөртүчеләре исән - сау, ә менә машиналары яхшы ук җимерелгән.
ЮХИДИ бүлекчәсендә әйтүләренчә, авариягә эләккән "Калина" машинасының көпчәкләре кышкыга алмаштырылмаган, икенче автомобильнең тәгәрмәчләреннән дә, җәй айларында шуларда йөргәнгә, "шипыларыннан" күптән инде "җилләр очкан". Нәтиҗәдә машиналар бозлы юлда шуып китеп, бер-берсенә килеп бәрелә.
Кызганычка каршы, бу көнне башка районнарда булган юл-транспорт һәлакәтләренең ахырлары яхшы бетми шул. Алексеевск районында "Джили М-Гранд" машинасы белән идарә итүче тизлекне арттыра, һава шартларын исәпкә алмый һәм юл кырыена төшеп китә. Нәтиҗәдә машина йөртүче авария урынында җан бирә, пассажиры авыр тән җәрәхәтләре белән больницага озатыла. Машинада җәйге резиналар булган.
Шул ук көнне Аксубай районында "Приора" машинасын йөртүче бозлы юлда тизлекне арттырып, каршы якка чыга һәм башка бер машина белән бәрелешә. Авария нәтиҗәсендә "Лада" машинасын йөртүче һәм аның пассажиры шунда ук вафат булалар. Машинаның алгы күчәрләрендә - кышкы, арттагыларында җәйге тәгәрмәчләр куелганлыгы ачыкланган.
Следите за самым важным и интересным в Telegram-каналеТатмедиа
Нет комментариев