Спорт
Очырдылар гына тупны Ивашкино кызлары
Волейбол буенча район чемпионатының хатын-кызлар арасында уеннарында Ивашкино кызлары бер тапкыр да оттырмаган. Иң оста командага бирелүче күчмә Кубокка һәм 15 мең сум акчалата бүләккә чынлап та лаек алар. Кичә, 3 март көнне район мәдәният йорты спорт залында бәйгенең җиңүчеләре мәгълүм булды. "Круговая система" буенча барган уеннарда иң күп очколарны...
Волейбол буенча район чемпионатының хатын-кызлар арасында уеннарында Ивашкино кызлары бер тапкыр да оттырмаган.
Иң оста командага бирелүче күчмә Кубокка һәм 15 мең сум акчалата бүләккә чынлап та лаек алар.
Кичә, 3 март көнне район мәдәният йорты спорт залында бәйгенең җиңүчеләре мәгълүм булды. "Круговая система" буенча барган уеннарда иң күп очколарны ивашкинолылар туплаган. Алар - чемпионнар. Әлеге команданың остазы да - Алевтина Утриванова ярышның иң оста тренеры дип аталды.
Икенче урынга чыккан Иске Элмәле авылы волейболчылары исә 10 мең сум акчалата бүләккә ия, Шешминка авыл җирлеге командасы өченче урында - 5 мең сум аларныкы. Дүртенче урын яулаган район үзәге укытучыларына да бүләкләр бар иде. Чемпионатның иң оста һөҗүмчесе Флера Рәхимҗанова - шушы командадан.
Следите за самым важным и интересным в Telegram-каналеТатмедиа
Нет комментариев