Кышкы каникуллардан соң, волейбол буенча район бәйгесе кыза гына әле. Бу көннәрдә көчлеләр авыл җирлекләре командалары арасыннан ачыкланды. Нигездә. Әккәрәй авылы егетләреннән торган Ивашкино авылы җирлеге волейболчылары Түбән Кәминкә һәм Иске Элмәле авыллары командаларын җиңүгә иреште. Искеэлмәлелеләр, үз чиратында, Түбән Кәминкә спортчыларын откан. Нәтиҗәдә, бәйгене Ивашкино, Ульяновка, Утыз Имән, Бәркәтә...
Кышкы каникуллардан соң, волейбол буенча район бәйгесе кыза гына әле. Бу көннәрдә көчлеләр авыл җирлекләре командалары арасыннан ачыкланды.
Нигездә. Әккәрәй авылы егетләреннән торган Ивашкино авылы җирлеге волейболчылары Түбән Кәминкә һәм Иске Элмәле авыллары командаларын җиңүгә иреште. Искеэлмәлелеләр, үз чиратында, Түбән Кәминкә спортчыларын откан. Нәтиҗәдә, бәйгене Ивашкино, Ульяновка, Утыз Имән, Бәркәтә авыл җирлекләре командалары дәвам итәчәк. Ә район үзәгеннән чемпионлык өчен Чирмешән авыл җирлеге уенчылары, электрчылар, полиция хезмәткәрләре, укытучыларның җыелма командалары көрәшә дип язган идек. Ир-егетләр арасында финал уеннары 23 февральгә билгеләнгән.Ә хатын-кыз волейболчыларыбыз киләсе атнадан, һәр чәршәмбе район мәдәният йорты спорт залына җыелачак. Анда авыл җирлекләреннән Шешминка, Мордва Афонькәсе, Яңа Элмәле, Ивашкино кызлары уйнарга тиеш.
Район үзәгеннән мәгариф бүлеге, район Советы, район башкарма комитеты һәм Пенсия фондының җыелма командасы, балалар бакчалары, мәктәпләр волейболчылары да чемпионлык өчен бил алышачак.
Чемпионатта җиңүче командаларга - беренче урынга - 15 мең сум, икенчегә - 10 мең сум, өченче урынга - 5 мең сум акчалата бүләк каралган.
Автор фотосы.
Нет комментариев