Безнең Чирмешән
  • Рус Тат
  • Чирмешән көрәшчеләре кабат икенче

    Узган атнада район көрәшчеләренең Яңа Чишмә районыннан икенче урынны алып кайтулары турында хәбәр иткән идек. Базарлы Матакта, "Красный Восток" ачык акционерлык җәмгыяте призларына үткән татар-башкорт көрәше ярышларыннан безнең район командасы кабат икенче урынны яулап кайтты. Безнекеләр мәйдан хуҗалары - әлкилеләрдән генә калыштылар. Лаеш командасы өченче урында. -Команда составында чыгыш ясаган...

    Узган атнада район көрәшчеләренең Яңа Чишмә районыннан икенче урынны алып кайтулары турында хәбәр иткән идек. Базарлы Матакта, "Красный Восток" ачык акционерлык җәмгыяте призларына үткән татар-башкорт көрәше ярышларыннан безнең район командасы кабат икенче урынны яулап кайтты. Безнекеләр мәйдан хуҗалары - әлкилеләрдән генә калыштылар. Лаеш командасы өченче урында.


    -Команда составында чыгыш ясаган 2нче һәм 1нче санлы Чирмешән, Лашман, кадет-интернат мәктәпләре, лицей укучыларына һәм бу ярышка баруны оештыруда ярдәм иткән мәгариф бүлеге җитәкчесе Хәммәткамил Хәкимовка, балалар-яшүсмерләр спорт мәктәбе директоры Рафаэль Шәфигуллинга зур рәхмәт,- ди 2нче Чирмешән урта мәктәбенең физкультура укытучысы Илгизәр Закиров.

    Командадагы 32 көрәшченең 16сы үз үлчәү авырлыгында призлы урыннар яулаган.

    Нәфис Әсадуллин, Айзат Нигьмәтуллин, Виктор Наумов (2нче Чирмешән мәктәбе), Рөстәм Сибгатуллин (кадет-интернат мәктәбе), Нәзир Ибәтуллин (Лашман мәктәбе), Илназ Гыйләҗев (лицей), Илзәр Закиров (1нче Чирмешән мәктәбенең физкультура укытучысы) беренче урынны яулап кайттылар. Сергей Абрамов, Тимур Гусейнов, Илзир Шәфигуллин (кадет-интернат мәктәбе), Наил Зыятдинов, Нияз Салихов (лицей) - икенче, Илмир Сәгъдиев, Риназ Хөснуллин, Булат Фәссахов (2нче Чирмешән мәктәбе), Зөлфәт Зиннуров (Лашман мәктәбе) - өченчеләр.

    Нравится
    Поделиться:
    Комментарии (0)
    Осталось символов: