Татарстанда +1 градуска кадәр җылы булачак
4 февральдә Татарстан территориясендә җепшек кар, вак яңгыр явуы һәм һава температурасы 1 градуска кадәр җылы булуы көтелә.
«Болытлы һава торышы көтелә. Төнлә бераз кар яварга мөмкин. Көндез җепшек кар һәм вак яңгыр фаразлана», диелгән Татарстан Гидрометеорология һәм әйләнә-тирә мохитне күзәтү үзәге хәбәрендә.
Урыны белән буран, җил көньяк-көнчыгыштан, көньяк-көнбатыштан секундына 6-11 метрга кадәр тизлек белән исүе ихтимал.
Төнлә һава температурасы -9…-14 градус фаразлана. Иртән һава температурасы -4…-9 градус, көндез -4…+1 градус булачак.
Элегрәк Татарстанда томан аркасында күз күреме начарлану һәм бозлавык булачагы турында кисәттеләр, "Ватаным Татарстан" хәбәр итә.
Фото: https://pixabay.com/ru
Следите за самым важным и интересным в Telegram-каналеТатмедиа
Нет комментариев