Чирмешәннең Береговая һәм Газизуллин урамнары халкы каты көнкүреш калдыклары салу өчен куелган контейнерларны туфрак белән тутырып куйган. Пластиктан эшләнгән контейнерлар авырлыкка чыдамыйча ярылганнар, тәгәрмәчләре дә сынган.
-Бу эшне аңлап булмый: туфракны ник анда тутырганнар? Әллә контейнерларның каты көнкүреш калдыклары салу өчен икәнен онытканнармы, - диде Чирмешән авыл җирлеге башкарма комитеты җитәкчесе Надежда Гомәрова. – Әгәр мондый хәлләр кабатланса, чүп-чарны кабат капчыклар белән җыюга күчәргә туры килер.
Нет комментариев