Безнең Чирмешән
  • Рус Тат
  • Ивашкинода арыш чәчәләр

    "Әккәрәй", "ҮтәмешАГРО" җәмгыятьләрендә бөртеклеләр мәйданнарының яртысында комбайннар узган да. "ЧИРМЕШӘНАГРО" көн саен уртача 100 гектардан уңыш суктыра, арпаның һәр гектарыннан уртача - 53, ә уҗым бодаеннан 50 центнер уңыш җыялар. "Сөлчә" дә яхшы эшли. Инвесторлар шулай ук темпны көчәйтә баралар. Урасы, сугасы мәйданнар күп әле, бүгенге көнгә тулаем 10,5 мең...

    "Әккәрәй", "ҮтәмешАГРО" җәмгыятьләрендә бөртеклеләр мәйданнарының яртысында комбайннар узган да.

    "ЧИРМЕШӘНАГРО" көн саен уртача 100 гектардан уңыш суктыра, арпаның һәр гектарыннан уртача - 53, ә уҗым бодаеннан 50 центнер уңыш җыялар. "Сөлчә" дә яхшы эшли. Инвесторлар шулай ук темпны көчәйтә баралар.

    Урасы, сугасы мәйданнар күп әле, бүгенге көнгә тулаем 10,5 мең гектардан уңыш суктырылган, ягъни барлык мәйданның 28 проценты буйсындырылган (былтыр бу вакытта 33,2 мең гектар, 89 процент булган).

    Әлегә гектар көче 30 центнер чамасы (былтыр - 19). Бу яктан "ЧИРМЕШӘНАГРО" (51,4 центнер), "Әккәрәй" (43,2), "Лениногорск АГРОфирмасы" (40,1) иң алда.

    Көзге культуралар чәчүдә "Серендеев Н.И." хуҗалыгы үрнәк күрсәтә, Ивашкино кырларында 150 гектарда арыш орлыгын җир куенына салганнар да. Район буенча быел арыш һәм уҗым бодае 15 мең гектарда чәчелергә тиеш.

    Аяз көннәрдән нәтиҗәлерәк файдаланып калырга кирәк, салам җыюны, җир эшкәртүне, орлык әзерләүне, чәчүне тизләтү, кырда эшләүчеләрне мораль һәм материаль кызыксындыру чараларын киң куллану мөһим.

    Реклама

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: