Көн темасы
.jpg)
Чирмешәндә балалар бакчаларына чират булмаячак
Бүген районда мәктәпкәчә яшьтәге 782 бала бар. Шуларның 600се мәктәпкәчә учреждениеләрдә тәрбияләнә. Әлегә кадәр Чирмешәндә балалар бакчасына урын җитмәү проблемасы кискен торды. Быел ул хәл ителергә тиеш. Бүген Чирмешәндә - 80, Ульяновкада 50 балага исәпләнгән балалар бакчасы төзелә. Алар икесе дә август аенда файдалануга тапшырылачак. Безнең районда да әлеге программа...
Бүген районда мәктәпкәчә яшьтәге 782 бала бар. Шуларның 600се мәктәпкәчә учреждениеләрдә тәрбияләнә. Әлегә кадәр Чирмешәндә балалар бакчасына урын җитмәү проблемасы кискен торды. Быел ул хәл ителергә тиеш.
Бүген Чирмешәндә - 80, Ульяновкада 50 балага исәпләнгән балалар бакчасы төзелә. Алар икесе дә август аенда файдалануга тапшырылачак.
Безнең районда да әлеге программа кысаларында байтак эшләр башкарылды һәм башкарылачак та. Әйтик, узган елны район үзәгендәге "Каенкай" балалар бакчасы, элек бер банк филиалы урнашкан, капиталь ремонтланган бинага күченде. Якты, иркен, өр - яңадан җиһазландырылган бүлмәләр, зәвык белән ясалган уен мәйданчыклары нәниләрне дә битараф калдырмады.
Татарстанда 30дан артык уникаль республика президент программасы тормышка ашырыла. "Балалар бакчалары төзү" программасы кысаларында Яр Чаллы шәһәрендә дә яңа балалар бакчасы төзелде. Әлеге программа мәктәпкәчә яшьтәге балалар учреждениеләренә чиратларны бетерүгә юнәлдерелгән. Соңгы биш елда Татарстанда республика бюджеты исәбенә 200 дән күбрәк, шуларның 118се - яңа төзелгән, мәктәпкәчә яшьтәге балалар учреждениеләре төзекләндерелде, ачылды.
Район үзәгендәге "Чишмәкәй" балалар бакчасында да капиталь ремонт булды. Аны эчке яктан матурладылар. Бу эшкә барлыгы 5 миллион сум акча тотылды. 1985нче елда төзелгән бина әлегә кадәр зур ремонт күрмәгән булган.
Узган елны Иске Үтәмеш, Яңа Элмәле, Шешминка сабыйлары өчен дә балалар бакчаларында яңа шартлар булдырылды.
Бүген Ивашкино авылындагы балалар бакчасы бинасында үзгәртеп кору эшләре бара. 15 урынга исәпләнгән бакчада
6 миллион 388 мең сумлык эш күләме башкару планлаштырылган. Биредә яңабаштан идәннәрне ясыйлар, түшәмне штукатурлыйлар, стеналарны тигезләп, буйыйлар. Яңа тәрәзәләр, ишекләр куелачак, канализация, җылыту, җилләтү системалары ясалачак, электр үткәргечләр, янгынга каршы сигнализация урнаштырачаклар.
Мәктәпләр бинасында урнашкан Иске Котыш, Бәркәтә, Күтәмә, Кара Чишмә авыллары бакчаларында да ремонт бара.
-Бездә ремонт эшләре төгәлләнде, - ди Кара Чишмә авылы балалар бакчасы мөдире Дамирә Борһанова. - Тәрәзәләрне, ишекләрне алмаштырдылар, яңа бүлмәләр булдырылды, сабыйлар өчен санузел ясалды, косметик эшләр дә башкардылар. Бакчабыз матураеп калды.
Автор фотолары.
Следите за самым важным и интересным в Telegram-каналеТатмедиа
Нет комментариев