Чирмешән районында 605 мең сум бурычны өч көндә түләткәннәр

"Лениногорск АГРОфирма"сында хезмәт кануннарының үтәлешен тикшергән вакытта район прокуратурасы закон бозуларга тап булган.

Әлеге җәмгыятьнең "Чирмешән" бүлекчәсенә быелның июнь-июль айлары өчен эш хакы буенча үз хезмәткәрләренә 605090 сум бурычы барлыгы ачыклана.

-Шуның белән бәйле рәвештә "Лениногорск АГРОфирма"сы генераль директоры прокуратурага чакырылды һәм бу хәл башка күзәтү органнары хезмәткәрләре белән берлектә тикшерелде, - ди прокурор ярдәмчесе Айназ Газизов. -Җәмгыять җитәкчесенә җитешсезлекне төзәтү хакында күрсәтмә бирелде.

Аннан соңгы өч көндә эш хакы буенча бурыч тулысынча түләтелгән һәм бер вазифаи зат дисциплинар җаваплылыкка тартылган.

Безнең сайтта укыгыз:

Иске Үтәмештән Мәрхүмә әбигә яңа гаиләдә рәхәт

http://nashcheremshan.ru/tt/the-news-tat/item/17414