Районда быел булган 30 янгынның тугызысында коры үлән һәм авыл хуҗалыгы җәмгыятьләрендә чүп янган. Көзен бакчаларда сабак, чүп-чар яндыру белән бәйле, ут чыгу куркынычы тагын да арта.
Райондагы янгын күзәтчелеге бүлекчәсе белгечләре халыкка түбәндәгеләрне искә төшерә:
-кагыйдәләр буенча, бакчада яки шәхси хуҗалыкта чүп-чарны ягу корылмалардан 50 метр читтә башкарылырга тиеш;
-ягыла торган урын тирәсе, ут үрмәләмәсен өчен, чүп-чардан чистартылган булсын;
-учакны карап торырга, шулай ук яндырган вакытта янгын сүндерү инвентаре, я булмаса чиләк белән су булдырырга кирәк;
-җилле көнне бакчада чүп-чар ягу ярамый.
-Шулай ук кырларда салам, камыл, коры үлән яндыру, учак ягу тыела. Кагыйдәләрне үтәмәгән очракта гражданнарга 2 мең сумнан алып 3 мең сумга кадәр; вазифаи затларга 6 мең сумнан алып 15 мең сумга кадәр; юридик затларга 150 мең сумнан 200 мең сумга кадәр штраф җәзасы каралган. Көннәр коры тора, зинһар, ут белән сак булыйк, - ди райондагы янгын күзәтчелеге бүлекчәсе начальнигы Рафаэль Гыйниятуллов.
фото: архив
Нет комментариев