Чирмешәндә милли көрәш буенча турнир узачак

Хезмәт вазифаларын башкарганда һәлак булган Мирсәет Кәбиров истәлегенә багышлап милли көрәш буенча икенче ачык турнир узачак. Ярыш 18 ноябрьгә билгеләнгән.

Бәйге "Чирмешән" балалар һәм яшүсмерләр спорт мәктәбе залында үтәчәк. Анда 2002 елгы һәм яшьрәк көрәшчеләр бил алышырга тиеш ( 11 авырлык категориясендә).

Катнашучыларны теркәү һәм үлчәнү сәгать 8дән 9га кадәр була, ә турнирны тантаналы ачу 9.30да башлана.

Призлы урыннар яулаган яшь көрәшчеләр Дипломнар һәм медальләр белән бүләкләнәчәк.

Кадыйр Гомәров фотосы