Су да күп сыя, тизрәк тә йөри

Ут чыккан очракта районыбыз янгын сүндерүчеләре тизрәк һәм нәтиҗәлерәк эш итәчәк. Күптән түгел алынган, КамАЗ базасындагы махсус техника суны да күбрәк ала, кызуырак та йөри.

Дөрес, автомашина өр-яңа түгел, бераз йөргән. Универсиада уздыручы Казанда янгын сүндерү частьләрен яңа техникалар белән тулыландыргач, махсус машиналарның бер өлешен районнарга биргәннәр.

- Мондый техникага ихтыяҗ бар иде, чөнки КамАЗ 8 тонна су ала, ягъни бездәге бер ЗИЛдан өч тапкыр күбрәк. Яңа машинаның тизлеге дә начар түгел,- ди райондагы 135нче номерлы янгын сүндерү часте җитәкчесе Ирек Сәлахов.