Чирмешәндә коронавирус йоктыручы юк, ә Яшел Үзәндә бу чирдән бер кеше үлгән
Соңгы тәүлектә республикада коронавирус йоктыруның 71 яңа очрагы теркәлгән. Авыруларның 24се больницаларга озатылган, 47се өйдә дәвалана – аларда авыруның җиңел яки симптомсыз формасы.
Ни кызганыч, COVID-19 инфекциясе Яшел Үзән районында 70 яшьлек кешенең гомерен өзгән. Әлеге ир-атны 11 май көнне бик авыр хәлдә больницага китергән булганнар. Бу - республикада үлем белән тәмамланган тугызынчы очрак.
Татарстанда 21 майга коронавирус йоктыруның барлыгы 2546 очрагы теркәлгән, 1452 кеше аннан савыккан. Чир соңгы тәүлектә иң күбе Казанда – (45 очрак), Яр Чаллыда (17) теркәлгән. Апаста, Арчада, Питрәчтә – икешәр, Балтач, Биектау, Түбән Кама районнарында берәр очрак ачыкланган.
Следите за самым важным и интересным в Telegram-каналеТатмедиа
Нет комментариев