Җиңүчеләр арасында безнекеләр дә бар

Ульяновка авыл җирлеге башлыгы Самат Шәмсетдинов һәм "Безнең чирмешән" район газетасы редакциясенең бүлек редакторы Гөлсирә Шәрифуллина Татарстан Республикасының муниципаль берәмлекләр Советы оештырган республика бәйгесенең җиңүчеләре дип танылдылар.

Самат Шәмсетдинов - "Авыл муниципаль берәмлекләренең иң яхшы җитәкчесе", Гөлсирә Шәрифуллина "Район массакүләм мәгълүмат чараларында иң яхшы язмалар" номинациясендә җиңүчеләр буларак, Дипломнарга һәм акчалата премияләргә ия булдылар.

Жиңүчеләргә бүләкләрне ТР Дәүләт Советында узган тантаналы чарада республика муниципаль берәмлекләр Советы рәисе Минсәгыйть Шакиров тапшырды.