Чирмешән районы социаль хезмәткәрләре сугышчыларга бавырсак пешергәннәр

Әлеге изге эш социаль хезмәткәрләр Лилия Хөснуллина (Югары Кәминкә) һәм Әлфирә Кәлимуллина (Чирмешән) тәкъдиме белән тормышка ашырылган. Аларның бу идеяләрен үзләре карамагындагы әбиләр дә куәтләгән, кайсы йомырка, кайсы бал, кайсы бавырсак тутырыр өчен савытлар биргән.

Эшнең башында - бавырсак пешерү остасы Әлфирә, ә башкалар аңа булышканнар. Туган як һәм күңел җылысы салып әзерләнгән татлы ризык гуманитар ярдәм белән сугышчы егетләребезгә барып җитәр.