Чирмешәндә ярминкәгә килүчеләрне коймак белән сыйладылар

“Кәравансарай” янындагы мәйданчыкта иртәнге сәгать 10да рус, чуваш, мордва милли киемнәре үрнәгендә киендерелгән карачкылар барын да күзәтеп тордылар. Тамаша сокландырырлык булды: район һәм авыл мәдәният йортлары коллективлары дәртле җырлар башкардылар, тамашачылар белән кулга-кул тотынышып биеделәр, бәйрәм белән котладылар, бәйрәм хуҗабикәсе Масленицага сәләтләрен күрсәттеләр. Шунда ук пешерелгән кайнар коймак, башка тәм-том тәкъдим иттеләр.

Кичтән котырган буран аркасындамы, ярминкәгә килүчеләр генә азрак иде сыман. Сатучылар турында әйтү. Алай да бүген байтак товар сатылды.

-Кама елгасында кармакка тотылган судак балыгы алып килдем, - ди Чистай кешесе Александр Осипов. – Төрле сорт, бер-берсен 400-600 сумга байтак алдылар.

Бәяләргә килгәндә, бу ярминкәдә азык-төлеккә ул элеккеге чама: өч литрлы банкадагы бал  - 1000, җимешләр – 250-300 сум (килосы), казларның эч-башы (комплекты) – 250 сум. Ит чүт кенә кыйммәтрәк – 380 сум иде. Ә кием-салымга акчаны күбрәк сорыйлар. Халык соңгы вакытта бераз кыйммәтләнгән ярмалар, тоз, шикәр комы, макарон, көнбагыш мае ише әйберләрне байтак алган. Без бит запас белән торырга, имеш-мимешләрне җитди кабул итәргә күнеккән халык.

фото: автор