Чирмешән өлкәннәр һәм инвалидлар йорт-интернатында яшәүчеләргә күчтәнәчләр тапшырдылар

Район мәдәният йорты артистлары биредә концерт программасы белән чыгыш ясадылар..

Социаль яклау бүлеге начальнигы Рушания Әхмадуллина, район башкарма комитеты җитәкчесенең социаль мәсьәләләр буенча урынбасары Рузилә Минхәерова, йорт-интернат директоры Илшат Закиров биредә яшәүчеләргә котлауларын җиткерделәр һәм “Шешмаойл” җәмгыяте әби-бабайларга әзерләгән күчтәнәч  – азык-төлек пакетлары тапшырдылар.

-Безне бәйрәм саен шулай сөендереп торалар. Менә бүген дә бик матур чара  булды. Концертны оештыручыларга, бүләкләр җибәрүчеләргә бик зур рәхмәт, - диде биредә озак еллар яшәүче Галина Хуртина.

фото: автор