Тиз йөрү куркыныч

8нче октябрьдә, иртәнге уннар тирәсендә Кара Чишмә һәм Елховой авыллары арасында булган юл һәлакәтендә 3 кеше имгәнүләр ала.

9нчы модель "Жигули" автомашинасы белән идарә итүче Түбән Кама кешесе тизлек режимын бозу аркасында, юл кырыена төшә һәм әйләнеп каплана. Нәтиҗәдә машина йөртүче үзе, аның 2 пассажиры (шулай ук Түбән Кама шәһәре кешеләре) төрле дәрәҗәдәге җәрәхәтләр алганнар. Зыян күрүчеләр район үзәк больницасына китерелгән.

Кызганыч, машина йөртүче һәм пассажирлар да иминлек каешын эләктермәгән булганнар.