“Ока“ тәртип бозган

Азеево-Чирмешән-Шентала юлының Лашман авылы янындагы өлешендә килеп чыккан авариядә "Ока" машинасы белән идарә итүче хатын-кыз авыр тән җәрәхәтләре алган.

Ахырдан ачыклануынча, йөртүче ханым (ул Саба районыннан) сулга борылганда каршы яктан килүче "Рено" машинасына юл бирмәгән, нәтиҗәдә, ике автомобиль дә нык "чәкешкән". "Ока" иясен аяклары сынган хәлдә Чирмешән үзәк район больницасына китергәннәр.

ЮХИДИ инспекторы Рәмис Шәкүров әйтүенчә, бу ханымның руль артында йөрүенә әле бер генә ел, шуның өстенә, ул юл хәрәкәте кагыйдәләрен дә санга сукмаган.