Кагыйдәләрне төгәл үтик

Быел районда балалар катнашында өч авария теркәлде. Аларда 16 яшькә кадәр биш баланың сәламәтлегенә зыян килде.

Август - җәйге каникулларның соңгы ае. Һәм нәкъ шул айда балалар катнашында юл-транспорт һәлакәтләре саны нык арта. Шуңа күрә 20 августтан 20 сентябрьгә кадәр республикада, шул исәптән район территориясендә дә, "Игътибар, балалар!" исемле профилактик чара үткәрелә. Аның барышында ЮХИДИ хезмәткәрләре балаларны автомобильләрдә йөрткәндә махсус утыргычлардан файдаланмаучыларны һәм башка хокук бозуларны ачыклау максатыннан рейдлар үткәрәчәкләр, мәктәпләрдә, балалар бакчаларында юл йөрү кагыйдәләре турында әңгәмәләр, лекцияләр оештырачаклар, белем бирү учреждениеләре биналары янындагы юлларның торышын тикшерәчәкләр.

Рәмис Шәкүров,
ЮХИДИ бүлекчәсенең пропаганда буенча инспекторы.