Районның ЮХИДИ бүлекчәсе начальнигы Рәмис Шәкүров - "Безнең Чирмешән" газетасының актив хәбәрчесе
Каршыга килүче машина йөртүчеләргә юлның уртасыннан “шәләй-вәләй” барган “ундүртле” машинасын, ул-бу булмасын дип, юл кырыена чыгып үткәрергә туры килгән. Аптыраган халык шикле автомашина хакында 112 хезмәте телефонына шалтыратып әйтә.
-Көндезге 11ләрдә булды әлеге хәл. Каршы барып, Әмир ягыннан Чирмешән уңаена килүче машинаны Имәнлек урманы янында туктатырга теләдек – буйсынмады, куып китәргә туры килде, аны юлчылар оешмалары янында туктаттык. Самара өлкәсенең Кошки районы кешесе дөм исерек, салондагы пассажиры да аек түгел иде, - ди районның ЮХИДИ бүлекчәсе начальнигы Рәмис Шәкүров. - Әлеге күршебез бездә бик күп штрафлар “җыйды”: исерек килеш автотранспорт белән идарә иткән өчен – 30 мең сум, машинасы шрафстоянкага озатылды - аның өчен түлисе була, туктамаган, каешын эләктермәгән, машинасының төзексезлеге өчен дә штраф каралган. Исерек шофер ел ярымнан ике елга кадәр машина йөртү таныклыгыннан да колак кагачак.
фото: архив
Следите за самым важным и интересным в Telegram-каналеТатмедиа
Нет комментариев