Бер йортка – икенче кайгы

Үткән якшәмбе, 19нчы май көнне, Яңа Чишмә районының Акбүре авылы тирәсендәрәк булган юл-транспорт һәлакәтендә Ивашкино кешесе үлде.

"Шушма Ойл" җәмгыятендә эшләүче Сергей Антонов кичке 6лар тирәсендә, үз автомашинасы белән, эштән кайтырга чыга. Тик акбүрегә җитәрәк якташыбыз идарәне югалта һәм ВАЗ-2114 юл кырыена төшеп әйләнеп каплана. Сергей шунда ук һәлак булган.

Антоновлар гаиләсе мондый кайгыны инде икенче тапкыр кичерә. Узган ел аларның кызлары авариядә үлгән иде. Сабырлык, түземлек телибез аларга.