Боз сарае сирәк бушый

"Юбилейный" боз сараеның боз өсте күнегүләргә килүчеләрдән сирәк бушый.

Биредә район үзәгендә яшәүче төрле яшьтәге 60 бала хоккей секциясендә шөгыльләнә. Алар арасында кызлар да бар.

Иске Кадиның балалар хоккей командасы да атнага өч тапкыр килеп, күнегүләр үткәрә.

Боз сараена атнага дүрт тапкыр кадет-мәктәп интернатында белем алучы укучылар да йөриләр. Шулай ук Чирмешән лицееның 1 класс балалары тимераякта шуарга өйрәнәләр.

"Эш көннәрендә көндезге сәгать 3тән алып кичке 9га кадәр боз өсте буш булмый, балалар өчен күнегүләр үткәрелә, - диләр боз сарае хезмәткәрләре. - Бозда шуарга теләүчеләрне шимбә, якшәмбе һәм эш көннәрендә сәгать 3кә кадәр көтеп калабыз".