Безнең Чирмешән
  • Рус Тат
  • Ульяновка янында машиналар бәрелешкән, имгәнүчеләр бар (ФОТО)

    Ульяновка авылы янындагы юл һәлакәтендә ике райондашыбыз зыян күргән, аларны Әлмәткә, больницага озатканнар. Районның ЮХИДИ бүлекчәсеннән хәбәр итүләренчә, юл казасы иртәнге тугызларда була. Нурлат ягыннан килүче "Форд Фокус" автомашинасы, каршы юлга чыгып, "Нива" машинасын бәрдерә. -"Иномарка" йөртүчесе "обгон"га чыга, тик алдагы машинаны узарга өлгерә алмыйча, үз юлына басарга була, тик...

    Ульяновка авылы янындагы юл һәлакәтендә ике райондашыбыз зыян күргән, аларны Әлмәткә, больницага озатканнар.

    Районның ЮХИДИ бүлекчәсеннән хәбәр итүләренчә, юл казасы иртәнге тугызларда була. Нурлат ягыннан килүче "Форд Фокус" автомашинасы, каршы юлга чыгып, "Нива" машинасын бәрдерә.

    -"Иномарка" йөртүчесе "обгон"га чыга, тик алдагы машинаны узарга өлгерә алмыйча, үз юлына басарга була, тик буталып, каршы юлга эләгә һәм юл-транспорт һәлакәте ясый. Бәрдерелгән "Нива"ның йөртүчесе һәм хатын-кыз пассажиры (Яңа Элмәле кешеләре) имгәнүләр алган, алар больницада. Күрүчеләр әйтүенчә, "Форд" бик кызу барган, ә бу урын - тизлек чикләү юл билгесе һәм аварияләрнең күплеге хакында искәртүче мәгълүмати билге - знак куелган участок, - ди районның ЮХИДИ инспекторы Рәмис Шәкүров.

    Реклама

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: