Иске Үтәмештә абзар янган

Иске Үтәмештә төнге икеләрдә тавышка уянып киткән бер хатын-кыз салют-фәлән аталармы соң, дип тәрәзәгә караса - абзарлары яна икән.

Янгын сүндерүчеләр килгәндә сарайның тезмәсе инде янып беткән була. Ярый әле хуҗалар терлекләрен чыгарып өлгерәләр, халык та утны сүндерергә керешкән. Тик, кызганыч, янгын корылмага зыян салып өлгерә.

-Ут электр үткәргечләреннән чыккан дип фаразлыйбыз. Шуның өчен абзарлардагы электрны сүндереп калдырырга онытмагыз, иске үткәргечләрне вакытында алмаштырырга, аларны печән, салам чүбеннән, пәрәвезләрдән чистарткалап торырга кирәк,- ди районның янгын күзәтчелеге хезмәте инспекторы Андрей Фомин.

Андрей Фомин фотолары