Яшь артистларның тәүге спектакле

Чирмешән татар халык театры каршында оешкан яшьләр студиясе Илгиз Зәйниев әсәре буенча куелган "Ай кызы" музыкаль драмасын тәкъдим итте.

Район мәдәният йортында күрсәтелгән премьераны байтак кеше карады. "Тамашачылар балалар уенын бик ошаттылар, - ди татар халык театры режиссеры Рушания Шакирова. - Яшь артистларыбыз - Чирмешән лицееның 10 класс укучылары (Регина Кәримова, Айнур Галләмов, Гөлназ Гарифуллина, Риназ Фатыйхов, Алинә Галимова, Илнар Моратов, Гүзәл Юнысова, Илгиз Назыйров, Гөлназ Абдуллина) бик тырыштылар, рольләрне җиренә җиткереп башкардылар.

Әлеге спектакльне тиздән Чистайда узачак балалар-яшүсмерләр театрлары фестивалендә күрсәтергә ниятлибез".