Чирмешән артистлары да Универсиадага барачак

Казанда Универсиада кунаклары каршында безнең артистлар 16 июль көнне чыгыш ясарга җыеналар.

- Игенчеләр сарае каршында узачак концертта республикабызның башка район вәкилләре дә катнашачак,- ди мәдәният бүлеге начальнигы Илһам Галимов. - Ике мәйданчыкта: берсендә - бер сәгать ярымлык, икенчесендә ярты сәгатьлек концерт программасы күрсәтергә тиешбез. Башкалага 100дән артык үзешчән артист барачак. "Ивушка" (Иске Элмәле), "Пиләш" (Яңа Элмәле), "Умарина" (Мордва Афонькәсе), "Умырзая" (Чирмешән) фольклор ансамбльләре, "Бәхетле балачак", "Жемчужинки", "Юность" хореография коллективлары, баянчылар ансамбле һәм аерым башкаручылар әлегә репетицияләрдә осталыкларын арттыра.