Чирмешән ветераннары Яңа елны яңа өйләрдә каршы алалар

Район үзәгендә быел сафка баскан күпквартиралы йортта 15 Бөек Ватан сугышы ветераны һәм аларның тол калган хатыннары өй туйлары уздырды. Ә 13 ветеран өчен район үзәгендә һәм авылларда шәхси йортлар төзелде.

-План буенча, бу программага керүчеләргә 2013 елда 17 шәхси йорт сафка бастырылырга тиеш иде,- ди район башкарма комитеты инфраструктура үсеше бүлеге әйдәүче белгече Румия Сабирова. - Бүгенге көндә тагын 4 өйдә (өчесе Чирмешәндә, берсе Югары Чегодайда) бизәкләү эшләре алып барыла, алары да озакка сузылмас.

Сүз уңаеннан, Бөек Ватан сугышы ветераннары һәм аларның тол калган хатыннарына торак шартларын яхшыртуга бирелүче субсидиянең күләме 1миллион 139 мең 40 сум тәшкил итә. Әлеге мөмкинлектән 200дән артык райондашыбыз файдаланган.